Author: KLN

Laiza ginwang, Je Yang Hpyen-yen Dabang kaw June 27 ya 10 am- 11:30 am laman hta hpyen koi yen ai (7) ning hpring masat nhtoi kyu hpyi hpawng lamang galaw ai lam na chye lu ai. Ndai hpawng hta mungshawa yawng marai (1500) daram shanglawm ai lam matut chye lu ai.

Hpakant ginwang, Ka-maing balik ni kawn Kum Tsai mare na Jan Nhkum Ma Mai (asak-49 ning) hte Slg. Hpauyam Seng Li (asak-37 ning) yan hpe June 26 ya 2 am hta ka-ni hpraw dut sha ai majaw Ka-maing Balik Dap de rim woi mat wa ai lam na chye lu ai.

Mungkan Ka-ni Nanghpam Ninghkap Masat Nhtoi (World Anti Drug Day) lamang hpe June 26 ya shani hta KIO Ginjaw Ginra, Ginwang Ginjaw, Ginwang Daw, Ninghtawn kata na mare shagu hte hpyen-yen dabang ni hta Pat Jasan Komiti ni woi awn nna galaw ai lam na chye lu ai.

Seng Zup ninghtawn, Sik Mu mare lawk (3), Udang Bum ntsa kawng kawn June 23 ya shani kawn hpang nna ga gyi ru hkrat wa ai gaw June 26 ya shani du hkra hkring mat ai lam n nga matut gyi hkrat nga ai lam na chye lu ai. Ga gyi ru hkrat wa ai […]

Kuthkai ginwang, Kawng Ra hte Kawng Lim mare dingsa lapran, Dap Dung (9) hpyen hpung ni shara jahkrat nga ai maga de Myen hpyendap Hk.M.Y (218) na hpyen hpung n-gun (50) daram gale pru wa ai hpe hkap shingla gasat ai kawn June 23 ya 10 am – 11 am laman gasat poi byin ai lam […]

Jinghpaw Mung Wudang Hkyeng hpung ni kawn Hugawng ginwang, Lawa mare na R.C.M nawku jawng kaw June 20 ya 12 pm hta, hpyen-yen nga ai htinggaw (39) hpe htinggaw (1) hta Myen gumhpraw lap 150,000 (sen langai, mun manga) hpra sa karum ai lam na chye lu ai.

Hu Pin mare sinna maga Nam Yung Hku mayan dap mying n chye ai Myen hpyen hpung n-gun (100) daram June 19 ya shani shamu shamawt du nga ai majaw dai ginra na mungshawa ni yi sa n mai yakhkak nga ai lam na chye lu ai.