Han Gin Myithkrum ga sadi Myen hpyen gumshem nhkan sa ai lam Dap hpawm (3) tsun.

Sammung Dingdung daw pawnghpawm (3) 1027 Hpyen Majan Masing hpaw nna, TNLA kawn gasat zing madu da ai Namsan, Namdu, Mandung Ginra ni hpe Myen hpyen gumshem dap Hpyen Uphkang Tara (Martial Law) ndau ai lam gaw Han Gin myithkrum ga sadi ta masat ka da ai hpe nhkan sa ai masa re nga nna Dingdung dawpawnghpawm rawt malan hpung MNDAA, TNLA, AA ni March (6) ya shani ndau laikashapraw da ai re.

Miwa Gumsan Mungdan kawn lapran salang tai ya ai hte Myen Hpven Gumshem Dap hte Dingdung daw pawnghpawm laknak lang rawt malan hpung 3 gaw Miwa Mungdan Kuming kaw Jan (11) ya shani Han Gin myit hkrum ga sadi laika pa hta lahkawng maga majan shazim na matu ta masat ka da ai lam nga wa sai re.

Sammung dingdung daw hta Myen HpyenGumshem Dap hte pawnghpawm rawt malan hpung (3) ni a lapran gap hkat jahkring nna, jarit mayan simsa lam Miwa mung jarit mayan simla shagreng na matu jawm myit hkrum da ai lam nga ai re.

Ndai zawn ga sadi tawn nna, shada myit makam gaw gap nga a ten myen hpyengumshem dap gaw Namsan, Namdu, Mandung Ginra ni hpe hpyen uphkang tara martial law ndau ai lam gaw Han Gin myithkrum ga sadi hpe nhkan ai sa, sadi run ai re lam mung masa masam mara salang ni tsun da ai kaw na chye lu ai.

 

Leave a Reply

*

This site uses Akismet to reduce spam. Learn how your comment data is processed.