Myitkyina-Manmaw lam lapran Ga Ra Yang mayan kaw KIA hte Myen hpyen gumshem dap gasat poi byin.

KIA Masat (5) Dap Ba ginra Myitkyina-Manmaw lam rai nga ai Ga Ra Yang mare makau Hka Wan Kawng kaw KIA pawnghpawm hpyen hpung hte Myen hpyen gumshem dap ni February (22) ya shani hkying (10:00) aten daram hta gasat poi byin ai lam na chye lu ai.

Shani hkying (11:00) aten daram hta mung Shadan Pa maga gayin hkawm ai Myen hpyen gumshem dap hte KIA pawng hpawm hpyen hpung ni gasat poi byin ai lam chye lu ai.

Shwe Min P.T.Ts hpyen n-gun (300) grup yin ram ngu maram lu ai hpyen hpung ni KIA Masat (5) Dap Ba ginra hpyen man de shamu shamawt shang chyinglau wa na masa nga ai majaw ndai laman majan matut manoi byin wa mai ai lam shawnglam lit nga ai salang ni tsun ai kaw na chye lu ai.

 

Leave a Reply

*

This site uses Akismet to reduce spam. Learn how your comment data is processed.