Myen hpyen gumshem dap nkau hpe KIA dingyang htim gasat zing la.

Sammung, Namhpaka Myen hpyen gumshem dap Hka.L.Y (123) hpe KIA Masat (4), Masat (6), Masat (10) Dap Ba pawnghpawm hpyen hpung ni January (24) ya shana daw hkying (6:00) aten daram hta htim gasat padang zing la lu ai lam na chye lu ai.

Dai Myen hpyen gumshem dap hpe lai wa sai 2023 ning December htum wa maga kawn htim gasat ai ninghtoi (27) ya du hkra htim gasat lai wa sai lam chye lu ai.

Lai wa sai January (16) ya shani hta mung dai ginra kaw, Myen hpyen gumshem dap a Jet Fighter nbungli langai hpe KIA gap jahkrat kau ya ai lam mung nga sai re.

KIA pawng hpawm hpyen hpung kawn, ndai laman Sammung ginra hte jinghpaw mung ginra na Myen hpyen gumshem dap nkau hpe htim gasat zing la ai lam ni mung nga sai.

 

Leave a Reply

*

This site uses Akismet to reduce spam. Learn how your comment data is processed.