Myen Hpyen Dap kawn, laknak lang rawt malan hpung ni hpe shani shagu htim gasat ai lam nga.

2013 December (6) ya shani Myitkyina Ginwang, Mali Yang Ginwang Daw, Namkoi Ninghtawn kata Shadau mare makau kaw Myen hpyen gumshem dap hte KIA hpyen hpung ni gasat poi byin ai hta Myen hpyen gumshem maga na marai (2) asak sim sum mat nna marai (10) hkala hkrum ai lam na chye lu ai.

Gasat poi byin nga ai laman, Myen hpyen gumshem dap ni dai ginra, lai wa, lai sa mungmasha ni hpe atik anang sawk jep nna, mung masha ni a phone arung arai ni zing la kau ya ai lam na chye lu ai.

December (6) ya jahpawt maga daw, Myen hpyen gumshem dap ni, KIO Ginjaw ginra de laknak kaba gap ai hta Miwa Gumsan mungdan maga shara lahkawng kaw laknak kaba wa hkrat kapaw ai lam mung nga ai re.

Dai hta n-ga December (6) ya shana, Sammung Muse maga de mung, Myen hpyen gumshem dap ni nbungli bawm wa jahkrat bun ai lam ginra mungmasha ni shana wa ai kaw na chye lu ai.

Leave a Reply

*

This site uses Akismet to reduce spam. Learn how your comment data is processed.