Myen gumshem dap ni mung mare kata de Laknak kaba, nbungli bawm jahkrat.

Myen hpyen gumshem dap kawn, Sam Mung, Nam Hkam grup yin shara (3) kaw November (26) ya jahpawt nbungli bawm jahkrat ai majaw mungmasha marai (1) asak si sumt mat nna marai (1) hkala hkrum ai lam na chye lu ai.

Nbungli bawm Man Na mare kaw wa hkrat kapaw ai majaw asak (18) ning num kasha langai asak si sum mat nna marai langai hkala hkrum ai lam nga ai hte Hpyen yen mungmasha ni shanu nga ai, St.Thomas nawku jawng Wang  kaw mung nbungli bawm (1) hkrat ai majaw mungmasha (3) hkra hkala ai lam chye lu ai.

Matut nna, Jinghpaw mung, Mogawng Maran Kahtawng mare de Myen hpyen gumshem dap Ts.K.Hka (3) ni laknak kaba (50) jan lang hkrup mara gap bang ai majaw dum nta nkau hten za mat ai hte mungmasha marai (2) mung hkala hkrum ai lam na chye lu ai.