Laknak kaba gap ai majaw mare masha asak si sum.

Mugawng kaw dap Jung nga ai Myen Hpyen Gumshem Dap Hk.l.y (105) ni November (11) ya shani Sa Maw mare de laknak Kaba gap ai majaw mare masha marai (3) asak si sum mat ai lam na chye lu ai.

Sa Maw mare na Slg. Kareng Naw asak (70) ning hte Mare Masha marai (2) asak si sum mat ai re.

Mugawng Myen hpyen dap gumshem Dap Hk.l.y (105) hpe KIA hte KPDF pawnghpawm ni sa gasat ai Kawn, Myen Hpyen Gumshem dap ni makau Grupyin de hkrup mara laknak Kaba gap bang ai majaw Mungshawa hkra Hkala si sum ai lam nga ai re.

Sa Maw kaw dap Jung nga ai Myen hpyen gumshem dap Hk.m.y (383),(384) makau Grupyin ni hta bawm kapaw gasat hkrum lam ni nga ai majaw ginra masha nkau gaw tinang shim dum ai shara ni de Htawt sit koi yen nga ma ai re.

Myen hpyen gumshem dap hku nna Amyu sha laknak lang rawt malan ni hpe laknak kaba, nbungli ni hte htim gasat ai hta mara kata mungmasha ni hpe dasang shingte gasat shamyit nga ai lam mung galaw nga ai re.