Myen Hpyen Gumshem Dap ni, KIO Ginjaw Ginra makau grup yin de laknak kaba gap bang ai lam nga ai.
Gumshem dap Shwe Nyawng Pin kaw dap jung ai Hk.l.y (321) kaw nna 2023 November (7) ya Shani 11:00 Aten dara kaw nna 240 MM hte Nam San makau Grupyin Shara ni de 10 jan lang gap ai hpang, Hkaya hte Bumre Bum kaw na mung laknak kaba hte Maisak Pa, Lailum Awng Ja de bai matut gap bang ai lam na chye lu ai.
KIA Masat (5) Dap Dung (5) Makawp Maga Ginra Hta mung November (7) ya Shani Myen Hpyen Gumshem dap ni kawn Nbungli Bawm wa jahkrat gasat ai lam nga ai.
October (7) ya shana maga 3:00 aten daram hta mung Hka Ya Bum mayan de Myen hpyen gumshem dap Jet n Bungli (1) hte Helicopter (1) malu masha hte Laknak arung arai wa htaw jahkrat da ai lam na chye lu ai.
Myen hpyen gumshem dap Uphkang wa ai hpang kaw nna hpyen hte Mungmasha hpe garan ginhka ai lam n nga htim gasat ai majaw mung masha asak si sum ai lam lani hte lani grau law wa ai lam nga sai re.