Sammung ginra kata 2023 ning October (27) ya jahpawt hkying 4:00 aten daram kaw nna gasat poi laja Lana byin nga ai lam na chye lu ai.
Hpunau, laknak lang rawt malan hpung ni rai nga ai MNDAA, TNLA, AA pawnghpawm hpyen hpung ni Munggu, Hpawng Seng, (105) miles, Namhkam, Miles (12,13), Nampaka, Kutkai, ChyinShauHa, Sinli, Lashio Asia world တိုးဂိတ်၊ Lashio Mai Jetဗျူဟာ, LoiDau, Laukai, Hubang, Tamungnye, Mungji, NamJawn, Namjarap, Nati shara ni hpe htim gasat ai lam na chye lu ai.
Nam Hkam -Nam Hpaka lam lapran na Deng (13) Myen hpyen gumshem dap hte Microwave shara ni hpe TNLA hpyen hpung ni October (27) ya shani hkying (10:00) daram hta lu zing gasat la ai lam chye lu ai.
Chin Shwe Haw Myo hpe MNDAA hpyen hpung ni gasat zing la lu na Myo shang gate kaw MNDAA Dawnghkawn sharawt da lu sai hte Chin shwe Haw sa lam na Nam Ting mahkrai hpe mung kapaw di kau sai re.
Pyithaungsu modo lam hpe October (27) ya jahpawt Hkying (06:00) kaw nna Hkawm sa hkawm wa n galaw na matu MNDAA kawn ndau da ai lam nga ai hpe mung chye lu ai.
Myen hpyen gumshem dap hte P.T.Ts ni galaw nga ai Kya hpyen online gumhpraw masu bungli shamyit kau na matu ngu nna, Operation (1027) ngu ai majan masing hte gasat ai lam chye lu ai.
Myen hpyen gumshem dap kawn Nbungli, Laknak kaba hte mare de gap bang ai majaw mung shawa asak si sum, hkra hkala ai lam ginra masha ni kaw na chye lu ai.
Dai hte maren October 25 ya shani hta mung KIA Masat 6 Dap Dung pawng hpawm hpyen hpung ni, Nam Hpyit Mare Myanmar Thu Ra Company wang kaw shanu rawng nga ai Myen Hpyen Gumshem Dap hpe htim gasat ai hta shara nkau hte hpyen lang rung rai ni hpe padang dip zing la lu ai na chye lu ai.