Mungdan Shanglawt Hpyendap, Masat (3) Dap Ba, Masat (15)Dap Dung Makawp maga ginra kata shamu shamawt shang wa ai Myen hpyen gumshem dap a hpyen mawdaw (20) jan hpe August (29) ya jahpawt KIA hpyenhpung ni Da Sai mare makau kaw hkap shingla gasat ai lam nga ai re.
Dai hpyen mawdaw ni gaw Manmaw mare kawn Hkuli, Da Sai, Myotit mahkrai lai di nna malu masha hte machyu pala, hpyen n-gun htaw lung wa ai re, Da Sai mare makau kaw KIA Masat (15) Dap dung kata na hpyenhpung ni bawm hte hkap shingla gasat ai majaw gasat poi byin ai lam nga ai.
Shwegu Ginwang, kaw shamu shamawt nga ai Hk.L.Y(77) kata na Myen hpyen gumshem hpyen hpung ni August (29) ya jahpawt daw Pintaya mare makau kaw hkring nga ai ten KIA Masat (12) kata na hpyenhpung ni sa htim gasat ai lam nga ai. shani ka-ang hking 12:30 pm aten daram htamung Si Bing mare makau kaw du nga ai Hk.M.Y(348) kata na hpyenhpung ni hte KIA hpyenhpung ni gasat ai lam nga ai.
KIA, Masat (9) Dap Ba, Masat (6)Dap Dung Makawp maga ginra, Hpakant Ginwang kata de shamu shamawt du shang wa ai Myen hpyen gumshem dap Hk.M.Y(12) kata na hpyen n gun (100) jan hpe KIA hpyenhpung ni Namtin mare lai Deng (
makau grupyin kaw August (29) ya jahpawt daw 9:00Am aten grupyin hta hkap shingla gasat dat ai majaw laja lana gasat poi byin ai lam nga ai re.
makau grupyin kaw August (29) ya jahpawt daw 9:00Am aten grupyin hta hkap shingla gasat dat ai majaw laja lana gasat poi byin ai lam nga ai re.KIA,Masat (6)Dap Ba ,Masat (9) dapdung hpyen hpung ni, Myen hpyen gumshem dap Tatma (99) hte Ts.K.Hk (17) pawng Hpawm hpyen hpung ni hpe Bak Noi bum kaw August (29) ya shani hkap shingla gasat ai lam shawnglam lit nga ai salang ni shana wa ai kaw nna chye lu ai.
Kawng mu mare kaw nna Shamu shamawt htu shadut lung wa ai Myen hpyen gumshem dap ni hpe August (29) ya shani hking(10:30)Am daram Bak Noi bum Mayan de du wa ai ten KIA hpyen hpung ni shingla gasat ai kaw nna gast poi majan byin wa ai lam chye lu ai.