Kamaing kaw du nga ai myen hpyen gumshem dap Tatma (33) kata na HK.M.Y (12) dap gaw August shata 22 ya jahpawt hkying (3:00)AM aten daram kaw nna hpakant ginra de hpyen shamu shamawt hkawm nga sai lam na chye lu ai.
Myen hpyen gumshem dap ni shamu shamawt hkawm ai majaw Ma U Pin mare hkan na mung shawa ni gaw August (21) ya shana hkying (9:30) pm aten daram kaw nna, hprawng koi yen nga sai re.
Ginra jasan gabaw hte myen hpyen gumshem dap ni gaw shamu shamawt hkawm ai lam gaw hte htu shatut lung wa ai rai re. Ma U Pin Yekatar kaw hkying 7:40 Am kaw du shatup nga sai rai nna KIA masat (44) dap dung na hpyen hpung ni hte mung ang katut gasat poi byin ai lam re gasat gala majan hte seng nna matut shagawn nga dingyang re.
Ya ten mung shawa ni kawn majan grau na kaja wa na hpe hkrit tsang nga ai. Myen hpyen gumshem dap kawn n tara ai lai ladat lang nna sawk jep ai lam, mungshawa ni hpe mara kata rim woi nna masha ninggang shatai ai lam ni dingyang galaw nga ai re majaw Ma U Pin mare na mung shawa ni mung hkrit tsang nna ni nawn ai mare de hprawng yen nga ai re hpe chye lu ai.Hpyenyen mung shawa marai (159) ram hpe mare masha ni lakawn la nga ai sha n-ga hkrun lam hkawm sa hkawm wa mung sadi maja let hkawm sa na matu seng ang ai salang ni tsun sadi jaw da ai lam nga ai re hpe chye lu ai.