Ja Pu mare kaw na pru hkawm wa ai Myen Hpyen Gumshem hpyenhpung ni hte KIA hpyenhpung ni July (18) ya shani 11:20am ten daram hta laja lana gasat gala byin ai lam nga ai re.
Myitkyina Manmaw Lam ntsa, Ja Pu mare kaw du zup nga ai Myen hpyen gumshem hpyenhpung ni Sama Lam numshe de pru hkawm wa ai hpe Masat (254) Dapnawng Dapdung makawp maga ginra kata na KIA hpyenhpung ni kawn hkap shinla gasat ai kaw na laja lana gasat poi byin ai lam chye lu ai.
Masat (1)Dap Nawng Daju makawp maga ginra, Ja Pu mare makau mayan hta ndai laman Myen hpyen gumshem dap ni hte KIA hpyenhpung ni July (12)ya shani hta mung Malang zup kaw kalang, July (13)ya shani Ja Pu hte Mali Yang lapran hta kalang, July (18)ya shani hta mung kalang rai nna gasat poi ading ding byin nga ai re.