KIA Masat (6) Dap Ba, Masat (9) Dap Dung Ginra Gasat Gala Byin

Nampaka kaw nna modo (8) hte yu wa ai Tatma (99) Myen hpyen gumshem hpung ni hpe July (16) ya shani hkying (12:30) daram hta KIA hpyen hpung ni Hpa hkip hte Nampalun lapran kaw hkap gap gasat ai lam na chye lu ai.
Dai shana hkying (06:15) daram hta mung Namhpaka a sinpraw maga Hkumung mare ntsa na Kawng Ra Bum kaw dung ai Myen hpyen gumshem dap Hk.L.Y(123) ni a hkringhkra nga ai post hpe tinang KIA Dap Dung(9) na hpyen hpung ni sa htim gap gasat ai ai majaw Myen hpyen gumshem dap maga ram ram machyi hkrum mat ai hpang shana yup tung hkying (12:00) daram hta Nampaka kaw nga ai Myen hpyen gumshem dap ni laknak kaba (3) lang gap shadam ai majaw ginra Mung masha ni hkrit tsang nga ai lam sagawn chye lu ai.
Ya aten dai ginra hta Hkawm sa hkawm wa ai Mung mare masha ni hpe Myen hpyen gumshem dap ni atik anang sawk jep/san jep ai lam ni galaw nga ai re hpe mung chye lu ai.