KIA Masat (5) Da Ba Makawp Maga Ginra Hta Gasat Poi Matut Byin

KIA Masat (5) Dap Ba, Masat (24) Dapdung makawp maga Ginra kata Daw Hpum Ding Ga Lai, Hka La kadawng mayan kaw July (13) ya jahpawt Myen hpyen gumshem dap ni hte KIA hpyenhpung ni gasat gala bai byin ai lam nga ai re.
Dai Myen hpyen gumshem dap ni gaw Manmaw maga kaw nna Ginjaw Ginra maga de hpyen shamu shamawt hkawm ai hpyenhpung ni rai nna, Hkala kadawng lai kaw KIA masat (24) Dapdung, Masat (18) Dapdung hte Laiza Ginwang Mungshawa hpyenhpung Masat (2) Dap dung kata na pawnghpawm hpyenhpung ni kawn laja lana hkap shingla gasat ai kaw na gasat poi byin ai re lam chye lu ai.
July shata praw kaw nna Ginjaw Ginra maga de Myen hpyen gumshem dap ni hpyen shamu shamawt hkawm ai lam nga ai majaw Ginjaw Ginra makawp maga ginra shawnglam hpyenman shara ni hta shani shagu ngu na gasat poi byin nga ai re.
Myen hpyen gumshem dap ni gaw ndai laman hta Wunpawng mungdan shanglawt hpyendap dap makawp maga ginra kata ni de htu shadut ai lam ni nga ai majaw KIA hpyen hpung ni the shara shagu ngu na gasat poi byin nga ai rai nna, Masat (6)Dap Ba, Masat (9) Dap Dung Mungmyit sinli ga kachin sub state ginra Nam Um mare makau hta mung July (13) ya jahpawt hpyen shamu shamawt du wa ai Myen hpyen gumshem dap ni hpe KIA hpyen hpung ni hkap gasat ai majaw gasat gala byin ai lam nga ai re hpe mung chye lu ai.

Leave a Reply

*

This site uses Akismet to reduce spam. Learn how your comment data is processed.