Laksan Laiza Muklum Municipal Makan Dap hte CSO, NGO ni pawng hpawm woi awn nna, Woichyai Nawng E HKu Sasana Jawng wang kaw June (5) ya jahpawt hkying (6:00)Am aten hta Beat Plastic Pollution ngu ai gabaw hte Mungkan Makau Grupyin Masat N’htoi lamang galaw ai lam nga ai re.
Anhte gaw jarit mayan re majaw plasatic hpe hkrup mara lang taw ai ni mung law law nga ai, maza ni hpe shi hte shi ladat jaw jaw kabai ai lam n nga ai, ndai hpe anhte yawng madu myit hte jawm galaw ai rai yang makau grupyin san seng tsawm htap wa na re nga nna Masat n’htoi lamang galaw ai a yaw shada lam hpe Sr. Seng Htoi Nan ya na zawn tsun ai re.
Laiza, Woi Chyai kata kaw nga ai maza ni hpe hta jasan ai lam, hpun hkai ai lam, plastic hpe shayawm na matu hpa baw ni mai galaw ai ngu ai hpe mung hpaji jaw ai lam galaw ai.
Dai ni na lamang hta gaw, Municipal Makan Dap magam gun ni, Nawng E Hku Sasana jawngma ni, CSO, NGO hte Magam Dap/ Makan Dap kata na magam gun ni, Mungshawa ni sa du shanglawm sai re.