Maw Mau Layang lung wa ai Company Hka nawng kaba makau lam kaw May shata praw (9) ya shana maga hkying (6:00) daram hta Myen hpyen gumshem dap dap nu (33) kata na hpyen hpung ni kadai re tup hkrak n chye lu shi ai Mungmasha marai (2) hpe gap sat kau da ai lam na chye lu ai.
Dai Mungmasha yan gaw Myen hpyen gumshem dap ni hpyen shamu shamawt hkawm ai ten gap sat hkrum ai rai nna, gasat gala byin ai lam n nga ai raitim ya na zawn mara kata mungmasha ni hpe ding yang gap sat nga ai gaw Mungshawa ni hpe da sang dingsa gasat ai re nga nna ginra masha ni tsun nga ma ai re.
May (9) ya shana hking 10:00 daram hta mung Myen hpyen gumshem dap, Dap Nu (33) kata na hpyen hpung ni Maw Mau layang, Lawnghkang, Nam Jem mare hkan hpyen hpung galai kachyai galaw ai ten lapran hta mung, laknak kaji kaba gap shadam ai lam ni galaw ai hpe na chye lu ai.