Hpakant Maden Yang hte Sang Hka mare kaw April (21) ya Shani Myen Hpyen Gumshem Dap ni rim woi mat ai mare masha nkau hpe april (26) ya shani bai dat ya ai lam na chye lu ai.
Ya dat ya ai gaw Maden Yang Htawng kaw sharen tawn ai Sang Hka mare masha ni rai nna, mare kanu kawa ni a pahkam hte dat ya ai re lam chye lu ai.
Maden Yang mare hte Sang Hka mare kaw na rim woi mat ai mungmasha yawng marai (200) jan nga ai hta marai (142) hpe ginsi Myen hpyen gumshem dap kaw naw sharen da ai lam hpe mung matut na chye lu ai.