Thai mung jarit TachiLik kaw nga ai Mai Hpung Sara Daw gaw April shata (13) ya shani Putao ginra sa du nna Bukda makam masham n nga ai Zi Ya Dam mare kaw Gawkngu Hpara shachyaw na lam hte seng nna du nga ai hpe Rudi mung mare masha ni ninghkap nga ai lam chye lu ai.
Myen Buddha makam masham hpung masha langai mi pyi n nga ai Zi Ya Zam mare kaw Myen bukda makam masham hpe hku-dung galaw nna Gawkngu Hpara shachyaw na masing jahkrat wa ai lam gaw makam masham hpung ni hpe shada da myit makam sharai shangun ai sha n-ga ndai zawn galaw ai lam hpe Rudi mung mare masha ni kadai mung n ra sharawng myit n hkrum ai nga nna Putao ginra masha ni tsun ai re.
Mai Hpung Sara Daw gaw April shata (11) ya shani kaw nna Jinghpaw Mung de du shang wa ai rai nna Putao girna kaw gaw kade ya nga na tup hkrak nchye lu shi ai re, Myitkina, Waimaw , Loi je, Nam Hkam, Muse ginra ni de mung hkrun lam matut na lam na chye lu ai.
Mai Hpung Sara Daw gaw Jinghpaw mung de hkrunlam hkawm na matu Myen Mung kata na Sut Hpaga Lau Ban kaba rai nga ai U Te Za nan garum madi shadaw ya ai lam nga ai re.