Man Wing ginra kaw Myen hpyen gumshem dap hte KIA pawnghpawm hpung ni gasat poi laja lana byin nna Jet Nbungli lahkawng bawm wa jahkrat gap gasat

KIA Masat (3) Dap Ba, Masat (12) Dap Dung ginra, Shwegu ginwang, Man Wing makau kaw March (25) ya shana de hkying (1:30) aten hta Myen hpyen gumshem dap hte KIA hpyen hpung ni gasat poi byin ai lam nga ai.

Myen hpyen gumshem dap ni hpyen shamu shamawt chying lau wa ai kaw KIA, KPDF pawnghpawm hpung ni hte hkrum katut ai kawn ang katut gasat poi byin wa ai masa re lam sagawn chye lu ai.

Gasat poi byin ai majaw shana de hkying (3:30) Pm aten daram kaw nna Myitkyina kawn rawt wa ai Myen hpyen gumshem dap a Jet Fighter (2) kawn Man Wing Hpungkyi jawng mayan Si Tha (ဆီတ), Si Mu Lay (ဆီမူေလး) mayan hte Win Wa (၀◌င်း၀) mayan hkan Nbungli bawm wa jahkrat gap gasat ai lam ni mung nga ai hpe shawng lam shiga kaw na chye lu ai.

Dai Myen Myen hpyen gumshem dap, Hk.L.Y (10) hte Hk.M.Y (602) dap na pawng hpawm hpyen n gun (100) jan gaw, Shwigu maga kaw na lai wa sai lahkawng masum ya kawn shamu shamawt nga hkawm ai majaw KIA,KPDF pawng hpyen hpung ni hkap gap ai kawn gasat poi matut byin ai rai nna, March (24) ya shani hta mung Nget Tada ဌက်တံတား mayan hta Myen hpyen gumshem dap hte KIA, KPDF pawng hpyen hpung ni gasat poi byin ai lam nga nna dai gasat gala hta gumshem Myen hpyen maga si hkala machyi hkrum ai lam ni nga ai hpe mung matut na chye lu ai.