KIA Masat (3) Dap Ba, Masat (27) Dap Dung ginra, Mung Hkawng lahta Laika Zu Ja mare makau Laika Hka mayan kaw Febuary (23) ya jahpawt hkying (8:30) aten daram kaw nna Myen hpyen gumshem dap hte KIA hpyen hpung ni gasat poi bai matut byin ai lam na chye lu ai.
KIA hpyen hpung ni shara jahkrat nga ai gaiwang de Myen hpyen gumshem dap Hk.L.Y 223, Hk.L.Y(236) pawng hpawm hpung ni n-gun jahpring nna bai htu shadut shamu shamawt shang wa ai majaw KIA pawnghpawm hpyen hpung ni hkap shingla gap gasat ai kawn gasat poi byin wa ai rai nna gasat poi hta lahkawng maga na laknak kaba ni hte mung gap gasat hkat ai lam nga ai hpe chye lu ai.
Dai ginra mayan hta Myen hpyen gumshem dap ni hpyen n-gun jat jahpring let gasat poi byin ai grup yin hkan sha shara jahkrat nga nhtawm KIA hpyen hpung ni shara jahkrat nga ai de matut manoi htu shadut shamu shamawt chying lau wa ai majaw shani shagu ngu na gasat poi byin nga nna
Gasat poi laman byin ai laman hta Myen hpyen gumshem dap maga na hkra hkala si sum lam nga ai raitim shanhte maga na gasat poi byin ai ginra mayan hkan naw shamu shamawt nga ai majaw lahkawng maga na hpyen masa naw shaja hkat nga ding yang re hpe chye lu ai.