Myen hpyen gumshem dap ni KIA Masat (8) Dap Ba ginra de Nbungli bawm sa jahkrat

KIA Masat (8) Dap Ba ginra kaw November (21) ya jahpawt hkying (10:30) aten daram hta Myen hpyen gumshem dap Jet Nbungli ni bawm wa jahkrat kau da ai lam na chye lu ai.

Dai Myen hpyen gumshem dap ni a Jet Nbungli hpung ni gaw Mandalay Tai, Tadar Oo kawn November (21) ya jahpawt jau hkying (1:00) aten daram hta lung wa nna gasat poi laja lana byin ai lam nnga ai raitim KIA Masat (8) Dap Ba ginra kaw bawm wa jahkrat bun ai re hpe chye lu ai.

KIA Masat (9) Dap Ba, Masat (6), Masat (26) Dap Dung ginra Gwi Hka, Sezin ginra ni hkan mung gasat poi byin ai lam nnga ai raitim N-dai laman Myen hpyen gumshem dap ni hpyen n-gun, hpyen lang rung rai ni hpe htaw shalai la ai lam ni galaw nga ai majaw hpyen Nbungli ni hte shimlam la ya nna hkrup mara gap gasat ai lam ni mung galaw nga ai re.

Dai hta sha n-ga Sagaing Tai, Magwi Tai hte Kayin mung ginra ni hkan mung Myen hpyen gumshem dap ni Hpyen Nbungli ni jai lang let bawm jahkrat ai lam, laja lana gap gasat ai lam ni galaw nga ai majaw mungmasha dum nta hten hkrum ai lam, mungshawa hkra hkala si sum lam ni law wa ai hpe chye lu ai.

Leave a Reply

*

This site uses Akismet to reduce spam. Learn how your comment data is processed.