Laiza Muklum kaw World Ozone Day Lamang galaw

Laiza Muklum, Sinpraw Majoi Gawknu kaw September (16) ya shani Mungkan Ozone Htai Makawp Maga Masat Ninghtoi “World Ozone Day” lamang galaw ai.

Hpawng lamang hta Dr.Myin Myat Aung kaw nna Ozone a lam, Ozone hten za wa yang shinggyim masha hte mungkan shingra maka ni gara hku hten za wa ai lam, hpa majaw Ozone hten za wa ai, Ozone hten za wa ai lam hpe gara hku makawp maga na, Ozone makawp maga lam ni hta tinang dinghkrai gara hku mai shang lawm ai ngu lawnglam ni hpe tsun san lang ningmu jahpaw dan sai re.

Dai hpang Ozone hte seng nna ningmu jahpaw Gamung Lanya madun ai lamang hte du sa ai jawngma ni hpe sanhtai ga san san ai lamang ni mung galaw nna Nam Maling hte Makau Grau Yin Gawnhkang Magam Dap Ningtau Lithkam Dkb.Lama Zau Raw kaw nna mung Ozone hpe makawp maga ra lam hte seng na chye na la lu sai hte maren grau nna mung hkaja la let yawng hte shanglawm makawp maga sa wa ga nga nna mung shatsam mungga jaw ya ai.

“Ozone hpe makawp maga ra lam hte seng na chye na la lu sai hte maren anhte yawng shang lawm ra ai. jak rung jak rai ni hpe shayawm na jai lang ai lam mung Ozone makawp maga ai lam ni rai sai re, n dai makawp maga na lam gaw yawng hte seng ai lam re  jawm makawp maga ga”

Mungkan Ozone Htai Makawp Maga Masat Ninghtoi “World Ozone Day” lamang hta Magam dap makan dap de na lit nga salang ni, mungshawa dap shawa ni hte Jawngma marai (600) grup yin sa du shang lawm sai re.

Leave a Reply

*

This site uses Akismet to reduce spam. Learn how your comment data is processed.