Myitkyina ginra kaw Myen HPyen Ni Mungshawa Hpe Jahkrit Shama San Jep Ai Lam Galaw Nga

Myitkyina Ginra PLN, UByit, Alam, Dumgan mare ni hkan Myen hpyen gumshem dap ni hte Balik ni shanhte ntsen nhten ai lai wa lai sa mungshawa ni hpe hkap jahkring san jep ai lam dingyang galaw nga ai hpe ginra masha ni kaw na chye lu ai.

“Myen hpyen gumshem dap ni hte Balik ni gaw shinggan hking buhpun nna mare kata kaw mung nta jawn mawdaw hte nga gayin hkawm ai lam nga ai rai nna shanhte ntsen nhten ai ni hpe rim jep ai lam ni galaw ai” nga nna ginra masha langai tsun ai.

PLN Balik Dap shawng mayan hku gaw shani shagu jep ai lam nga ai rai nna, UByit, Alam, Dumgan mare lam ni hta gaw shani shagu jep chyoi ai lam nnga ai raitim, Myen hpyen gumshem dap a lagaw lata tai ya ai (Dalan) masha ni shiga jaw shana ai hta hkan nna jep chyoi ai masa re nga nna mung ginra masha wa matut tsun ai.

Myen hpyen gumshem dap kaw nna mungdan daru magam ahkang aya zing kau ai kaw nna hpang nhtawm Myitkyina ginra kata kata Myen hpyen gumshem dap hte balik dap ni hkawm wa hkawm sa mungmare masha ni hpe jep chyoi ai lam dingyang galaw wa ai rai nna Myitkyina, Alam, Dumgan maga de mung lai wa sai shaning kaw nna lai wa lai sa masha ni hpe lagaw lata du du manat htawng bye ai hte phone, mawdaw, sengke ni hpe adup jahten nhtawm jahkrit shama san jep ai lam ni galaw ai lam nga wa sai re.

Leave a Reply

*

This site uses Akismet to reduce spam. Learn how your comment data is processed.