Wa Hka Maw Post kaw Myen hpyen gumshem dap ni Jet Nbungli ni hte htim gasat

KIA Masat (2) Dap Ba, Masat (14) Dap Dung ginra Wa Hka maw maga de September (12) ya jahpawt hkying (10:10) aten daram kaw na Myen hpyen gumshem dap ni Jet Nbungli hte bawm jahkrat gap gasat ai lam nga ai hpe sagawn chye lu ai.

Gasat poi byin ai lam nnga ai raitim dai jahpawt daw hkying (9:50) aten aten hta Myitkyina kawn lung wa ai Myen hpyen gumshem dap ni a Jet Nbungli (4) gaw Wa Hka maw post mayan kaw numdaw (3) lang bawm wa jahkrat bun ai lam nga ai hte Myen hpyen gumshem dap Tatma (88) hte P.T.Ts pawnghpawm hpung ni mung lagaw lam hku Wa Hka Maw post mayan htu shadut lung wa ai nna shara wa jahkrat nga ai lam chye lu ai.

Dai hpang Jahtu Zup Myen hpyen gumshem dap Hk.L.Y (297) kawn mung laknak kaba ni gap bang ai lam nga ai hpe na chye lu ai.

Lai wa sai June shata hta sha Myen hpyen gumshem dap ni shara jahkrat nga ai Wa Hka Maw Post hpe KIA hpyen dap ni sa htim gap gasat zing da ai shara rai nna Myen hpyen gumshem dap kawn kalang bai Jet Nbungli ni hte htim gasat ai sha n-ga lagaw lam hpyen man hku na mung htu shadut wa ai re hpe chye lu ai.

Leave a Reply

*

This site uses Akismet to reduce spam. Learn how your comment data is processed.