ABSDF rawt malan ai (34) ning hpring masat hpawng

All Burma Students Democratic Front (ABSDF), laknak lang rawt malan ai (34) ning hpring masat nhtoi hpawng lamang hpe August (8) ya shani ဒေါင်းစစ်သည် gawknu hta galaw ai lam chye lu ai.

1988 September (19) ya shani Myen mung ting hpe Myen hpyen dap ni hku nna, daru magam ahkang aya yawng zing madu la kau ai kawn mungdan ting ninghkap kasu kabrawng wa ai hpe Myen hpyen dap hku nna mungchying mungshawa ni hpe gap sat wa re kawn, 1988.8.8 Jawngma Dap ABSDF paw pru wa ai re.

Myenmung Dingdung Daw ABSDF Amu Madu Dukaba Lashi Yaw Shu tsun ai hta “Hpyen gumshem ni hpe anhte gasat mat wa ai shaloi anhte hkrai gasat na nmai ai, ndai gaw mungdan ting hte seng ai magam lit re labau lit re majaw gaw, anhte galaw lai wa sai lam mung mungdan a matu re majaw, anhte a kanau ni ramma ni hpe hpa majaw ndai 8888 bying wa, hpa lachyum re ngu hpe dum na matu ndai labau hpe chye na matu ndai masat dingsat hpe galaw ai re” nga tsun ai.

Masat hpawng hta Wunpawng Mungdan Shanglawt Hpyen Dap lit nga salang ni, CDM sara, sarawun ni, mung mare masha ni hte dap shawa masha yawng marai (200) jan sa du shang lawm sai re.

Leave a Reply

*

This site uses Akismet to reduce spam. Learn how your comment data is processed.