Hpaji Du Ni Hpe Hpaji Lam Magam Bungli Zai Ladat Masing Ningja jat Wunkat Jaw 

Ginjaw Ginra hte Ginwang Ginjaw Shara Shagu hta Hpaji Du ni a Magam Bungli Zai Ladat Masing Ningja Jat wunkat hpe July (28) ya Shani du hkra Laiza Shinli Hotel kaw galaw ai lam nga sai re.

Ndai wunkat hpe July (18) ya Shani kaw nna galaw ai rai nna Hpaji Du Marai (40) Jan sa du sharin hkamla sai re. Bungli Zai Ladat Masing Ningja Jat wunkat hta Educational Concept, Leadership, Management and Administration For Education Officers ngu ai gabaw ni hpe Ginjaw Hpaji Dap kaw nna Sharin ya ai re.

Ginjaw Hpaji Dap a Strategic Plan manga ning masing kata galaw ai lam rai nna Hpaji Du ni yawng Hpaji Dap a Masing hpe Chye na hkawn hkrang nna tinang ang ai ginra kaw magam bungli galaw ai kaw bung pre rawt jat na matu galaw ai wunkat re lam Ginjaw Hpaji Dap lit nga magam gun ni tsun ai.

Matut nna mung Hpaji Dap a magam Bungli zai ladat masing ningja jat wunkat hpe ginwang ginjaw kata na ningtau hpaji du ni hte ginwang daw hpaji Du ni hpe mung Sharin ya na Matu hkyen shajin nga ai lam mung matut chye lu ai.

Leave a Reply

*

This site uses Akismet to reduce spam. Learn how your comment data is processed.