KIA Masat (8) Dap Ba Masat (5) Dap Dung ginra Ga Hkyeng bum ginwang Nam Ma mare lup wa kawng kaw June (7) ya jahpawt hkying (7:35) aten kaw Myen hpyen gumshem dap hpyen shamu shamawt hpung hpe KIA hpyen hpung ni hkap shing la gasat ai lam nga ai.
Dai Myen hpyen gumshem dap Hk.M.Y (116) hpung gaw Hpakant de na shamu shamawt yu wa nna NamMa hpyen dap kaw wa hkring la nhtawm bai matut shamu shamawt chying lau wa ai kaw KIA hte KPDF pawnghpawm hpung ni bawm hte numdaw (4) lang hkap shing la gasat ai re lam chye lu ai.
Gasat gala byin ai hta Myen hpyen gumshem dap maga na marai (4) si sum nna marai (2) hkala hkrum ai lam nga ai hpe mung shawng lam shiga kaw na chye lu ai.
Dai Myen hoyen gumshem dap hpung gaw KIA Masat (6) hte Masat (26) Dap Dung ginra kata hkan mung shamu shamawt chying lau hkawm ai majaw KIA hpyen dap hte gasat poi jahkring hkring byin ai lam nga ai re.