Hpyen yen ladaw (11) ning hpring ladu hkrum kyu hpyi hpawng lamang galaw

Je Yang hpyen yen dabang  kaw June (9) ya shani ginjaw hpyen yen lakawn lanawn komiti hte KBC, RCM nawku hpung pawnghpawm nna Hpyen yen (11) ning hpring ladu hkrum kyu hpyi hpawm woi galaw ai lam nga ai.

Hkaw tsun hpawng hta Rev, Hpauyawng Tu Mai, Rev,Myingtung Gam San, Rev, Chyang maja Tu Shan, Rev, Chinle Zau Awng hte Du.kb Lama Zau Ra ni sa du shang lawm ai re.

Hpyenyen (11) ning hpring ladu hkrum hpawng lamang hta Rev, Hpauyawng Tu Mai kawn Karai Mungga hte n gun jaw ai rai nna,  Dkb Lama Zau Raw kawn Ya yang na mabyin masa hte seng nna n gun jaw ga shaga ai hta hpyen yen mungshawa yawng tinang a kashu kasha ni hpe gara ladat hte sharin shaga ra ai lam, ya yang byin nga ai mungmasa lam, sut masa lam ni hte seng nna tinang a kun dinghku kata gara hku shakut shaja ra ai ngu ai lam ni hpe tsun hpaji jaw ai lam nga ai.

Hpyenyen ladaw (11) ning hpring ai hpang hpyen yen Mungmasha nkau gaw tinang dum nta mare buga de bai nhtang wa nga ai ni mung nga ai zawn , Mung masha law malawng gaw tinang a dum nta wa mayu sai raitim, asak shimlum lam nnga ai sha n-ga lam amyu myu hta yakhkak dut dang taw ai majaw tinang nga ai shara kaw na sha dum nta mare buga de wa gawan, hkring hkra Yi, Sun ni wa galaw let hpyen yen dabang kaw naw nga nga ai re.

Hpyenyen (11) Ning hpring ladu hkrum hpawng lamang hpe Jarit mayan rai nga ai Je Yang IDPs, Hpunlum Yang IDPs, Woi Chyai IDPs shara (3) hta galaw ai lam chye lu ai.