KIO Asuya Hpaji Jawng hta tsang shi htai jawngma marai (1680) awng pru

2021-2022 ning KIO Asuya hpaji jawng tsang shi san poi awng jawngma jahpan hpe June praw (6) ya jahpawt hkying (6:00) Am aten n dau shabra da ai lam nga ai.

2021-2022 hpaji ladaw tsang shi san poi hpe April (21) ya shani kaw nna htai hpang nhtawm April (28) ya shani du hkra htai ai re, San Poi san jep ginra ni gaw Alen Bum Lahta Tsang Jawng, Laiza Lahta Tsang Jawng, Ma Ja Yang Lahta Tsang Jawng, Nba Pa Lahta Tsang Jawng, Mungmyit Sinli Lahta Tsang Jawng, N gum La Lahta Tsang Jawng, Chyinghtawng Pa Jawng, Mungbaw Pa Jawng hte Lawt Awng Jawng ni re hpe chye lu ai.

Tsang Shi San poi htai ai jawngma ni gaw marai (2188) nga ai re hte awng pru ai jawngma mying jahpan gaw marai (1680) tup rai nna, dawnjan ningtawn jawngma gaw marai (308) nga ai re.

Lai wa sai shaning hta gaw tsang (10) awng shadang (70%) nga ai rai nna 2021-2022 shaning hta gaw tsa hta shadang (76.78%) nga ai re hpe chye lu ai.

Leave a Reply

*

This site uses Akismet to reduce spam. Learn how your comment data is processed.