Lung Tung makau kaw gasat gala byin

KIA Masat (9) Dap Ba, Masat (26) Dap Dung ginra, Nawng Lut ginwang, Lung Tung makau Nyawng Pin Post mayan kaw hpyen shamu shamawt chying lau hkawm ai Myen hpyen gumshem dap Modo hpung hpe June (4) ya jahpawt hkying (1:54) aten KIA hpyen hpung ni bawm hte hkap shing la gasat ai lam nga ai.

Gwi Lung hpyen dap kawn sa wa ai Myen hpyen gumshem dap Hk.M.Y (116, 111) pawnghpawm hpyen n-gun (100) jan lawm ai hpung ni gaw June (3) ya shana hkying (4:30) aten Nyawng Pin Post hta wa du shatup nna June (4) ya jahpawt Tung Fung modo (3) hte bai matut shamu shamawt yu wa ai kaw KIA hpyen hpung ni Remove bawm hte numdaw (4) lang hkap shing la gasat dat ai lam shawng lam shiga kaw na chye lu ai.

Bawm hte hkap shingla gasat hkrum ai majaw Myen hpyen gumshem dap maga na si hkala hkrum lam nna, jahpan tup hkrak hpe naw matut sagawn nga ding yang re. Dai Myen hpyen gumshem dap pawnghpawm hpung ni gaw ya aten Lung Tung hpyen dap kaw du shatup nga sai re hpe chye lu ai.

Dai ginra mayan hta Myen hpyen gumshem dap ni hpyen shamu shamawt chying lau hkawm ai lam, hpyen n-gun jat nna, hpyen lang rung rai htaw shalai la ai lam ni galaw nga ai majaw KIA hpyen dap hte gasat poi jahkring hkring byin nga ai re hpe mung sagawn chye lu ai.

Leave a Reply

*

This site uses Akismet to reduce spam. Learn how your comment data is processed.