Gwi Hka makau kaw gasat gala byin

KIA Masat (9) Dap Ba, Masat (6) hte Masat (26) Dap Dung jarit Gwi Hka Shan Yuma Taung kaw May (20) ya shani hkying (12:15) aten Myen hpyen gumshem dap hpung hpe KIA hpyen hpung ni bawm hte hkap shing la gasat ai lam nga ai.

Dap mying atsawm n chye lu ai Myen hpyen gumshem dap n-gun (200) grup yin lawm ai hpyen hpung ni gaw jahpawt daw Gwi Lung hpyen dap kawn pru hkawm wa ai hpung ni rai nna, KIA Masat (6) dap dung ginra de matut shamu shamawt lung wa ai kaw KIA Masat (6) dap dung hpyen hpung ni bawm hte numdaw (3) lang hkap shing la gasat dat ai re hpe chye lu ai.

Bawm hte hkap shing la gasat hkrum ai majaw Myen hpyen gumshem dap maga na si hkala hkrum lam nga ai raitim jahpan tup hkrak n lu shi ai.

Ya aten Dai Myen hpyen gumshem dap hpung ni gaw makau grup yin de laknak gap shadam nna gasat gala byin ai shara makau grup yin hkan sha naw nga nga ma a re hte matut manoi htu shadut wa yang gasat poi naw byin wa mai ai lam shawng lam lit nga salang ni maram da ai.

 

Leave a Reply

*

This site uses Akismet to reduce spam. Learn how your comment data is processed.