Laiza muklum kata Hkali ana makawp maga ningmu jahpaw hkaw tsun hpawng galaw

Laiza muklum kata na mare lawk shagu de Muklum hkamja rung hte Ginjaw hkamja dap kawn ta gindun let hka li ana hte seng ana makawp maga ningmu jahpaw hkaw tsun hpawng ni galaw ai lam nga ai.

Laiza muklum kata shani shagu ngu na hkali ana jep mu ai machyi masha ni law jat wa majaw mungshawa yawng hkali ana makawp maga lam hpe chye na hkan sa na hte hkali ana byin ai lam shamyit shatsai kau lu na matu ningmu jahpaw ai re lam Hkali Ana Yu Reng Du Srw.Hkum Ja Dim tsun ai.

“N-dai ningmu jahpaw hpawng gaw ya ya byin nga ai hkali ana hpe mungshawa ni yawng jau tau nau na makawp maga lu na matu, chye lu na sa di maja let hkan nang hkan sa lu na matu madung yaw shada ai, hkali ana hpe shayawm ai hta n-ga shamyit shatsai kau lu na hpe ningmu jahpaw ai lam re”

Ningmu jahpaw hpawng hpe lai wa sai May. Praw (4) ya shani kaw na galaw hpang wa ai re, May (9) ya shana hta gaw lawk (5) kaw galaw ai lam nga nna matut manoi mare lawk shagu de mung galaw sa wa na re hpe chye lu ai.

Muklum kata hta hkali ana jep mu ai masha law jat wa ai majaw muklum kata nga ai lawk shagu hte hpyen yen mungshawa ni nga ai shara ni hkan hkali ana makawp maga tsi gat nna makawp maga lam ni mung galaw nga ding yang re hpe chye lu ai.

 

 

Leave a Reply

*

This site uses Akismet to reduce spam. Learn how your comment data is processed.