Myen hpyen gumshem dap hpung hpe KPDF ni hkap shing la gasat nna Myen hpyen gumshem dap maga na si hkala law

Khatar, Chyaung Wa kaw na Min Chyawng Kung maga de hpyen shamu shamawt chying lau hkawm ai Myen hpyen gumshem dap lagaw lam hpyen hpung hte KPDF hpyen hpung ni April. (22) ya shana de hkying (7:30) aten gasat poi byin ai lam na chye lu ai.

Chyaung Wa kaw na lagaw lam hkawm sa wa ai Myen hpyen gumshem dap Hk.M.Y (415) n-gun (40) grup yin lawm ai hpyen hpung ni Min Chyawng Kung mare maga de shamu shamawt sawa ai lam kaw KPDF hpyen hpung ni hkap shing la gasat ai lam rai nna Minutes (15) daram lahkawng maga gasat poi byin wa ai lam na chye lu ai.

Gasat poi byin ai hta hkap shing la gasat hkrum ai Myen hpyen gumshem dap maga na hkra hkala si sum ai lam law ai hpe mung matut na chye lu ai.

Khatar ginra hte Shwe Gu ginra ni hta lawu Myen mung de na Myen hpyen gumshem dap ni Jinghpaw mung ginra de hpyen n-gun jat lung ai lam, hpyen rung rai htaw shalai la ai lam ni ding yang nga ai majaw gasat poi jahkring hkring byin nga ai re.

Lai wa sai April. (13) ya shani hta mung Mali hka hku hkan nna Shwe Gu kawn Chyauk Gyi de lai sa wa ai Myen hpyen gumshem dap a hpyen lang rung rai hte malu masha htaw lawm ai jak li langai hpe KPDF hpung ni RPG sha n-ga kaga laknak kaji kaba ni hte hkap gap gasat dat ai lam mung nga sai re.

Leave a Reply

*

This site uses Akismet to reduce spam. Learn how your comment data is processed.