Mung Baw ginra hta shing ra hpyen hkrum nna dum nta (100) jan hten hkrum

Mungmyit Sinli Ga, Kachin Sub-state Mung Baw ginra hta April (15) ya shana de hkying (2:00) aten daram hta shing ra hpyen laru kaba wa nna dum nta law law hten hkrum mat ai lam na chye lu ai.

Akajawng sha Nbung laru kaba wa ai sha n-ga Marang kaba mung htu sawng wa ai majaw Mung Baw ginra nga mare kahtawng (15) daram na Mungshawa dum nta ni a nta n-gaw malawng mat ai lam, dum nta run agrawp mat ai lam ni byin hkrum mat ai re nga nna ginra masha ni tsun ai.

Ya na zawn shing ra hpyen hkrum ai majaw hten hkrum mat ai dum nta gaw htinggaw (100) jan nga ai rai nna shing ra hpyen hkrum ai mungmare masha ni gaw ya aten tinang a dum nta wang kaw ginsum kasha gap nna mai byin ai hku shanu machyu nga ma a lam ginra masha langai tsun ai.

“Tinang a htingbut hting ra shara re majaw hten mat ai raitim mai byin ai hku bai gram lajang na nga ra ai ga rai nga, ginsum kasha ni bai gap na nga nga ai ya gaw, bai gram la na masing sha re ga nga, mai byin ai hku naw nga nga ai mare masha ni gaw”

Shingra hpyen hkrum ai ginra masha ni gaw hten hkrum mat ai dum nta ni hpe bai gawgap gram lajang la na matu lam shagu hta yakhkak dut dang hkrum nga ai majaw gaw gap lam hta garum ningtum grai ra kadawn nga ai lam chye lu ai.

Leave a Reply

*

This site uses Akismet to reduce spam. Learn how your comment data is processed.