Nam Ya Myen hpyen dap na Kai Chyan Du jawn lawm ai Modo bawm kapaw hkrum

Hpakant lam, Nam Ya mare kaw dap jung ai Myen hpyen gumshem dap Hk.M.Y (12) dap na Kai Chyan Du wa hte hpyen la marai (5) jawn lawm ai Pajero modo langai April (15) ya jahpawt hkying (7:20) aten Sawadihkap lu sha seng hpang kaw bawm kapaw hkrum ai lam na chye lu ai.

Dai Myen hpyen la hpung ni gaw modo hte gat de lu sha sa mari na matu lai sa wa ai kaw Bawm hkap kapaw hkrum ai re hte bawm kap kapaw wa nna Kai Chyan Du wa hkala hkrum mat ai re, Bawm kapaw manghkang byin ngut ai hpang hkying (8:20) aten daram kaw nna gaw Nam Ya Myen hpyen gumshem dap maga na Loi Daw pa maga de (82) MM ngu maram lu ai laknak kaba ni gap bang nga ai lam matut na chye lu ai.

Bawm kapaw manghkang hte seng nna Myen hpyen gumshem dap maga na shani hkying (11:00) kaw mare uphkang salang ni hpe hpyen dap de shaga mahkawng la nhtawm zuphpawng woi galaw ai lam ni mung nga hte hpa baw tsun shaga dat ai ngu hpe gaw tup hkrak garai n chye lu ai.

Nam Ya Myen hpyen gumshem dap ni gaw mare kata shana hkying (10:00) kawn jahpawt hkying (4:00) aten daram kaw nna pru prang hkawm ai lam, Modo, Sengke jawn hkawm ai lam tsep kawp n galaw na matu mung tsun ndau da ai lam nga ai hpe matut chye lu ai.

 

Leave a Reply

*

This site uses Akismet to reduce spam. Learn how your comment data is processed.