Mai Ja Yang MukLum kaw Wan sat Makan Dap ni kaw na ndai laman hta Wan shadi jaw ndau ai lam, ningmu jahpaw ai lam ni hpe nta shagu hkan galaw nga ai re.
“Mai Ja Yang Muklum kaw gaw Wan sat Makan Dap hpe maning kaw na sha naw hpawng hpang da ai re sha n-ga mungchying mung shawa ni law malawng gaw wan hte seng nna ningmu nau n nga shi ai majaw ginhtawng ladaw ten du wa sai re majaw mungching mung shawa ni yawng Wan hte seng na sadi maja lu na matu ningmu jahpaw ai lam re” nga nna Sinpraw Ginwang Ginjaw Mai Ja Yang Muklum Wan sat Makan Dap Matsun Du Du Maran Awng La tsun ai.
Wan Sat Makan Dap ni kaw na gaw Mai Ja Yang Muklum kata wan hkru manghkang nbyin hkra lawk shagu nta htinggaw shagu kaw sa nna ningmu jahpaw ya ai lam , wan sumri dingsa wa ai ni hpe hkan yu jep chyoi ya ai lam, hpun hte shat shadu sha yang wan hpe gara hku sadi ra ai ngu lam ni hpe ding yang tsun shadum sadi jaw ai lam galaw nga ding yang re lam matut chye lu ai.
Mai ja Yang Muklum kaw nga ai mungmasha ni law malawng gaw kumshu sun hpe madung galaw sha na nga ai re majaw kumshu sun nat ai zawn re kaw nna sharaw wan hku wa mai ai majaw mung ndai ginhtawng ladaw hta gaw Wan hte seng na grau sadi jaw ai lam galaw ai re hpe mung chye lu ai.