Mai Ja Yang MIED Jawng Gawk Nu Dingshawn hte PAT,  SAT short course wunkat yu lekmat shagrau hpawng galaw

Mai Ja Yang MIED College jawng Gawk Nu ningnan dingshawn  hte  PAT, SAT short course wunkat yu lekmat shagrau hpawng hpe January (22) shani Hpaji Gindai Gawk Nu  kaw galaw ai lam na chye lu ai.

Hpawng hta ginjaw hpaji dap lithkam Dkb.Wana Yaw Htung  kaw nna mungga jaw ya sai hte 2019-2020, 2020-2021, 2021-2022 hpaji ladaw PAT, SAT short Course lung la ngut sai jawng Sr/Srn ni hpe wunkat yu lekmat shagrau ai re lam chye lu ai.

Wunkat yu ngut kre sai Jawng Sr/Srn ni yawng gaw marai (75) nga ai raitim wunkat ngut kre shagrau lekmat hkam sa du hkamla ai gaw marai (45) sha sa du hkam lu ai rai nna n kau Sr/Srn ni gaw COVID-19 kap bra ana zinli masa amyu myu a  majaw nlu shang lawm ai re lam wunkat komiti kaw na chye lu ai.

Hpaji Gindai Gawk Nu hpaw hpawng hte PAT,  SAT short course wunkat yu lekmat shagrau hpawng hta Mai Ja Yang Kata nga ai Muklum Uphkang Rung , Magam Dap, Makan Dap shagu na du salang ni, mare kanu kawa ni, sa du shang lawm ai hte  laksan saw shaga da ai salang ni mung sa du shang lawm sai re lam matut na chye lu ai.