Lawa mare kaw Myen hpyen gumshem dap ni lai wa lai sa ni hpe laja lana sawk jep nga

Hpakant de lung wa ai lam makau na Lawa mare lam mazup pawnghpawm shagyit kaw January (14) ya shani hkying (11:20) aten daram kaw nna Myen hpyen gumshem dap ni hte P.T.Ts ni pawnghpawm nhtawm lai wa lai sa hkrun lam hkawm masha Modo, Sengke yawng hpe azin ayang sawk jep nga ai lam ginra masha ni kaw na chye lu ai.

Myen hpyen gumshem dap ni hte P.T.Ts ni gaw Hpakant lung wa ai ni hte yu wa ai masha ni, Modo, Sengke yawng jahkring nna Phone jep ai lam, rung rai ahkrawk jep ai lam ni galaw nga ai rai nna hpa majaw ya na zawn galaw ai lam hpe gaw tup hkrak n chye ai nga nna ginra masha langai tsun ai.

Lai wa sai ten hkan gaw lai wa lai sa ni hpe ahkun (Bing hkun) hta sha nna shalai dat ai raitim shiga kahtet yang ya na zawn hkawm sa hkawm wa ni a phone hte rung rai ni du hkra azin ayang sawk jep ai lam ni galaw ai hte Lai wa sai November (19) ya shani hta mung dai shagyit kaw Myen hpyen gumshem dap hte P.T.Ts ni pawng hpawm nna lai wa lai sa yawng hpe sawk jep lam galaw ai nga nna ginra masha wa matut tsun ai.