Wunpawng Mungdan Shanglawt Rawtmalan Yungwi mahkawn hte amyusha mahkawn law law ka shalat lai wa sai Yungwi Shagan Lat Du Up Jum Usa, Hpaula Awng Gam asak (78) ning gaw 2021 December (27) ya shani hkying (12:27)Pm aten mungkan ga na machyi makaw ana ahkya hte, Madu Yesu hta yup pyaw ban sa mat wa sai re.
Du Kaba gaw lai wa sai 1963 ning kaw nna Wunpawng Mungdan Shanglawt Hpyen Dap hta magam gun hpai ai rai nna, Shanglawt Masa Gat Hkai Dap Matsun Du lit hpe gun hpai let, 2015 ning hta KIO Magam gun ladaw (50) ning hpring shagrau sha-a ai hpe mung hkamla lu sai re.
Shi a hkum tsawp moimang hpe December (28) ya shani hkying (10:00) aten, Munglai Hkyet dum nta kaw akyuhpyi makoi mayang na re hpe chye lu ai.