Jeyang hpyen yen dabang lawk (1) hta August (23) ya jahpawt hkying (1:30) daram hta marang htu sawng nna bum hka kaba wa ai majaw sharut ga gyi ai lam ni byin ai sha n-ga Jeyang hpyen yen dabang kata na dum nta langai hten za mat ai lam nga ai.
August (22) ya shana marang htu sawng wa nna bum gyi wa ai majaw Bum hka hta hkumpup ga ni hte maza ni yawng lawm wa nna Slg.Labang Rip Nu a dum n ta gaw hten za mat ai re hte makau na nta ni mung loi li hten za mat ai lam ni nga ai re.
Ya aten dum nta hten hkrum mat ai htinggaw ni hpe dabang komiti rung kaw gan shingbyi da shangun ai re hte bum gyi nna lai lam pat mat ai hpe mung seng jasan kau sai re hpe chye lu ai.
Ndai zawn marang htu sawng ai majaw Jeyang dabang makau grupyin hkan ga gyi nna mawdaw lam pat mat ai lam ni mung nga ai re. Jeyang dabang kata lai wa sai (2014) shaning hta mung ndai zawn bum sharut ga gyi wa ai majaw masha asak si sum ai lam ni nga lai wa sai re.