Daw Hpum Yang mare kaw Myen hpyen gumshem ni dap shara jahkrat nna matut nga taw

Daw Hpum Yang mare na tsi rung hte mare uphkang rung kaw Myen hpyen gumshem dap ni shara wa jahkrat nna naw nga taw ai majaw ginra masha ni myit tsang nga ma ai lam na chye lu ai.

Ndai Myen hpyen gumshem dap ni gaw lai wa sai June (20) ya shani kaw nna mare kata tsi rung, Hpungkyi jawng, Balik Dap hte mare uphkang rung ni kaw shara wa jahkrat nga ai rai nna masha galai gachyai ai lam ni mung nga re hte ya aten hpyen n-gun marai (100) daram naw nga nga ai ginra masha ni tsun ai.

Mungshawa nga ai mare kata hkan e hpyen gumshem ni shara wa jahkrat nga ai majaw mare makau grup yin hkan gasat poi ni byin wa na hpe mung ginra masha ni gaw grai myit tsang nga ma ai re.

Leave a Reply

*

This site uses Akismet to reduce spam. Learn how your comment data is processed.