Ziun hpyenyen dabang (10) ninghpring chyeju shakawn hpawng galaw

Myitkyina, Ziun Buga Hkalup Hpung Sasana wang kaw June (22) ya shani Ziun hpyenyen dabang  (10) ning hpring chyeju shakawn kyuhpyi hpawng lamang hpe galaw ai lam nga ai.

Hpyen koi yen du wa ai hpunau ni hpe Ziun buga kaw nna shara jaw woi awn zinlum la ai hte nga shara dabang hpaw masat ai nhtoi hpe masat la nhtawm chyeju shakawn ai hpawng re lam Ziun dabang a hpung woi sara Rev. Labang Naw Lawn tsun ai.

Lamang hta KBC Ginjaw, Myitkyina Ginwang hte Ziun Buga ni hpe saw shaga nhtawm, magun shat lit hte chyeju dum masat masa galaw ai rai nna, KBC Ningbaw Rev.Dr, Hkalam Sam Sun kaw nna mungga hte sa du n gun jaw ai lam galaw ai lam chye lu ai.

Ziun Hpyenyen Dabang kata hpyen koi yen nga ai mungshawa ni gaw Myitkyina ginwang hte Sama Ginwang kaw na mungshawa ni re hte law malawng gaw Sama Ginwang kaw na hpyen koi yen wa ai mungshawa ni grau law nga ai dabang re hpe chye lu ai.

Leave a Reply

*

This site uses Akismet to reduce spam. Learn how your comment data is processed.