Kutkai mare na salang langai sat makoi da hkrum

Dum nta kaw na shana pru hkawm mat wa ai kawn bai ndu wa ai Slg.Lahpai Hkun Zau Lum a moi mang hpe June (21) ya shani lam makau kaw sat makoi da hkrum ai hpe mu lu ai lam buga mash ani kaw na chye lu ai.

Asak si sum mat ai salang wa gaw Kutkai mare, lawk (5) kaw shanu nga ai Salang Lahpai Hkun Zau Lum asak (41) ning rai nna June (18) ya shana hkying (8:00) aten daram hta dum nta kaw nna sengke hte pru hkawm mat wa ai re hte June (21) ya shani Kutkai daw (6), Tamunye pru wa ai lam, Nam Hku mare makau kaw shi a moi mang hpe Balawng kasha Nga rem ma ni sa mu la ai lam na chye lu ai.

N-dai amu manghkap hpe kadai gara uhpung ni galaw ai hpe tup hkrak n chye lu shi ai raitim Salang Lahpai Hkun Zau Lum gaw sinat pala hkang hte ningma hkang hkang nna si sum mat ai re lam chye lu ai.

“Shi madu jan wa yu yang she shi jawn le mat ai sengke ma gup chyawp ma lawm, baw kaw mung sinat gap hkang hte si taw ai nga ai, ta kaw လက္ထိပ္ခတda ya ai, labawp kaw ma n hkyi hkang hkang ai, zing ri da hkang hkang ai” nga nna ginra masha langai tsun ai

Salang Lahpai Hkun Zau Lum a hkum tsawp moi mang hpe June (21) ya shana de hkying (4:00) aten daram hta makoi mayang kau sai lam chye lu ai.

Leave a Reply

*

This site uses Akismet to reduce spam. Learn how your comment data is processed.