Manmaw ginra hta Ka-ni nanghpam lu sha masha grai law wa ai majaw ginra masha ni myit tsang

Manmaw ginra mayan hta ka-ni nanghpam dut hpaga galaw ai masha ni hte ka-ni nanghpam lu sha masha grai law wa ai lam ginra masha ni tsun ai kaw na chye lu ai.

Lai wa sai ten ginra pat jasan ni kawn pat jasan bung li shang ai lam ding yang galaw nga ai raitim mungmasa lam amyu myu a majaw pat jasan magam bungli hpe jahkring hkring nlu shang mat ai hpang kaw nna ka-ni nanghpam lu sha ai masha grai bai law jat wa ai lam chye lu ai.

Ka-ni nanghpam lu sha dut hpa ga galaw masha ni law wa yang matut nna mung ka-ni nanghpam lu sha masha gaw grau nna law jat nga ding yang naw rai wa na re majaw grai myit tsang ai lam ginra masha langai tsun ai.

“GCA (Government Control Area)ginra hta gaw lai wa sai ten na hta ya gaw grai sawng wa ai, Manmaw ginra shara shagu ngu na daram hta mung grai sawng wa sai, kani hpraw ni mung 500/ 1000 ram kaw na lu sai nga tsun ma ai, asak 10 ning laman re ma ni, hpyen yen hkan na ma ni mung sa mari ai nga tsun nga ma ai grai myit tsang dik ai”

Ya aten Myen mung mungmasa a majaw ma ni jawng n lung hpaji n lu sharin nga ai ten mung re majaw ma ni ka-ni nanghpam hpyen hta hkrat sum mat na hpe mung kanu kawa ni gaw myit tsang nga ma ai re.

Leave a Reply

*

This site uses Akismet to reduce spam. Learn how your comment data is processed.