KIA Masat (5) Dap Ba Ginra hta KIA hte Myen Hpyen Gumshem Dap ni matut manoi gasat poi byin

KIA Masat (5) Dap Ba Masat (30)Dap Nawng Dap  Dung Ginra Shang Htung Bum mayan kaw May (9) ya jahpawt hkying (9:00) aten daram kaw nna Myen hpyen gumshem hpung ni laknak kaba hte gap bang ai lam ni nga ai rai nna Alaw Bum mayan de mung Jahpawt hkying (7:00) aten daram kaw nna Myen Hpyen Gumshem Dap ni Laknak kaba gap bang ai lam nga ai re hte Myen hpyen gumshem ni gaw Myotit Kung Law maga de na KIA masat (25) Dap Dung ginra de Hpyen n-gun matut manoi shamu shamawt lung wa ding yang rai nga ai majaw gasat poi matut byin wa mai ai lam shawng lam na lit nga ai salang ni tsun ai.

KIA Masat (1) Dap Ba ginra, Sumpra Bum hte Mali Yang lapran kaw shara jahkrat nga ai Myen Hpyen Gumshem Dap Hk.L.Y (137) ni hte KIA hpyen hpung ni mung gasat poi byin ai lam nga ai re.

Lai was ai May (8) ya shani hta mung KIA masat (2) Dap Ba ginra de htu shadut lung wa ai Myen Hpyen Gumshem hpung ni hpe Maran Kahtawng hte Makawk Zup lapran kaw KIA hpyen hpung ni bawm hte hkap shingla gasat ai lam na chye lu ai.

Myen Hpyen Gumshem Dap ni gaw KIA hpyen hpung ni nga ai Jinghpaw mung, Lahta Sammung Mungmyit Sinli Ga ginra ni nkau hta Hpyen N gun jat bang nna htu shadut nga ding yang rai nga ai majaw shani shagu ng una damram gasat poi byin nga ai re hpe na chye lu ai.

Leave a Reply

*

This site uses Akismet to reduce spam. Learn how your comment data is processed.