Jinghpaw Wunpawng Chyum Dakasu KTCS Nawng Nang Jawng Yu Hpawng Galaw

(71) Lang ngu na Jinghpaw Wunpawng Chyum Dakasu Jawng Yu, Awng Lekmat shagrau sha-a hpawng hpe May (8) ya shani, Myitkyina, Nawng Nang (KTCS) jawng wang kaw galaw ai lam chye lu ai.

2020-2021 ning hta Awng pru lekmat shagrau hkamla sai jawngma yawng, marai (316) re lam hte nkau Jawngma ni gaw hkawm sa hkawm wa yakhkak ai majaw sumtsan hku nna jawng yu la ai ni mung nga ai lam chye lu ai.

“Daining awng pru jawngma ni hta na marai (10) gaw mungmmasa, masa lam a majaw hkawm sa hkawm wa yak nna nlu du ai lam mung nga ai. Dai ning gaw Mungmasa npyaw ai lapran kaw re majaw shawoi shaning na hku lamang kaba n galaw ga ai” nga nna Jawngma Ningbaw Shadan Zau Hkun Awng tsun ai.

Hpawng lamang hta Nawng Nang Chyum Dakasu kaw na jawng yu n-htawm sasana magam bungli hta ap nawng nga ai (25)ning hpring ni hte (50) ning hpring magam gun ni hpe mung masat masa shagrau ai lamang, 2019-2020 jawng lung shaning Myen mungm a tsang shi san poi hta ningtawn ai hku nna awng pru ai buga de na ramma ni hpe shagrau sha-a ai lam galaw ai re.

Jawng yu wa ai jawngma ni gaw ECCD Diploma program kaw na marai (30), L,Th marai (20), B.Min marai (13), BATs (English) marai (17), BATS (Music) Marai (9), Diploma In Computer Application (DCA) marai (27), B.Th marai (121), M.Min marai (13), MACS marai (3), M.Div marai (58), M.Th marai (1) re lam chye lu ai.

Leave a Reply

*

This site uses Akismet to reduce spam. Learn how your comment data is processed.