Nmawk ginra kaw nga ai Mungshawa ni hpe Myen Hpyen Dap ni kawn hpyen yen ai lam n galaw na matu tsun

Manmaw, Nmawk Ginra kata kaw nga ai Mungshawa masha ni hpe Myen Hpyen Dap ni kawn kaga de hpyen koi yen ai lam n galaw na matu jahkrit shagyeng tsun sadi jaw hkun pat da ai lam nga ai re hpe na chye lu ai.

Myo Tit, Kung Law, Num Lang mare masha ni hpe Myen hpyen Dap ni kaga mare de hpyen koi yen ai lam n galaw na matu tsun da ai lam ni nga ai raitim , mare kata Sinat kaba jahkring hkring gap bang ai sha n-ga mare kata Myen Hpyen Gumshem Dap ni Dap Jung shara jahkrat nna nga ai majaw mare masha law malawng gaw hprawng yen nna nga nga ai lam na chye lu ai.

Ya aten Manmaw, N-mawk Ginra hkan na mungshawa ni gaw  နန္႔ လိုွင္ ခူးလီ RCM Nawku Jawng Wang kaw marai (200) jan, Nmawk KBC naw Ku jawng wang kaw marai (600) jan, Manmaw Ting Daw Gyi hpunggyi jawng wang kaw marai (200) jan, Manmaw Shwe Chyi Na Hpung Gyi jawng wang kaw marai (200) jan Man Nawng mare kaw marai (400) jan, Manmaw Sin Kyin mare kaw marai (200) jan Hpyenyen mungshawa yawng marai (2000) jan gaw hprawng yen nna nga nga ai re lam na chye lu ai.

KIA Hpyen Hpung ni hte Myen Hpyen Gumshem ni n-dai laman gasat poi ding yang byin ai lam nga ai hta Myen Hpyen Gumshem Dap ni kawn gasat poi byin ai shara ni hkan sha n-ga mungshawa nga ai mare kata de du hkra laknak kaba gap bang ai lam, Nbung Li ni hte bawm wa jahkrat, wa gap ai lam ni galaw ai majaw mungmasha asak si sum ai, hkala hkrum ai lam law jat nga ding yang re hpe chye lu ai.

Leave a Reply

*

This site uses Akismet to reduce spam. Learn how your comment data is processed.