KIA Masat (25) Dap Dung Ginra kaw KIA hte Myen Hpyen Gumshem ni Gasat Poi byin

KIA Masat (5) Dap Ba Ginra, Salawng Kawng Mayan kaw May (4) ya jahapwt hkying (4:00) aten daram kaw nna KIA hte Myen Hpyen Gumshem, Dap Dap Nu (88) kata na hpyen hpung ni gasat poi laja lana byin ai lam na chye lu ai.

Myen Hpyen Gumshem ni gaw KIA ni nga ai shara de laknak kaba gap bang ai lam, Nbung Li hte bawm wa jahkrat, wa gap gasat ai lam ni galaw ai sha n-ga hpyen n-gun law law hte shamu shamawt htu shadut lung ai lam matut manoi galaw nga ai majaw Salawng Kawng makau grup yin kaw n-dai laman KIA hte Myen Hpyen Gumshem Dap ni shani shagu ngu na daram gasat poi byin nga ai re.

May (3) ya shani hta mung KIA Masat (25) Dap Dung Ginra, Salawng Kawng hte Pan Tsun Post makau kaw KIA hte Myen Hpyen Gumshem ni gasat poi byin ai lam nga ai hta Myen Hpyen Gumshem ni kawn gasat poi byin ai shara de Jet Nbung li lahkawng, Helicopter langai hte wa gap ai lam nga ai rai nna dai shani Myen Hpyen Gumshem Dap ni a gasat gala Helicopter (1) hpe KIA hpyen hpung ni gap jahkrat kau lu ai lam mung nga ai.

KIA Masat (3) Dap Ba, Masat (1) Dap Dung Ginra kaw nga ai Myen Hpyen Gumshem Dap Hk.M.Y (601) hte Hk.M.Y (319) ni kawn mung May (3) ya shani Man Je hte Nazaret Mare shinggan de 60 MM (10) lang gap bang ai lam nga ai rai nna KIA Masat (15) Dap Dung ginra, Nmawk Alen Kawng kaw shara jahkrat nga ai Myen Hpyen Gumshem Dap ni mung KIA Masat (25) Dap Dung maga de 122 MM (18) lang gap bang ai lam na chye lu ai.

Leave a Reply

*

This site uses Akismet to reduce spam. Learn how your comment data is processed.