Myen Hpyen Gumshem ni kawn KIA ni dap jung nga ai shara de matut manoi htu shadut nga

KIA hte Myen Hpyen Gumshem ni Gasat Poi matut manoi naw byin nga ai lam nga ai sha n-ga Myen Hpyen Gumshem ni kawn hpyen n-gun htu shadut ai lam, Nbung li ni jai lang let bawm wa jahkrat ai lam matut manoi naw nga ai re hpe na chye lu ai.

May praw (1) ya shani hta mung Myen Hpyen Gumshem ni kawn Nbung Li ni jai lang let Myotit, Kung Law, Num Lang Lam mayan hkan bawm jahkrat ai lam, wa gap ai lam ni nga ai re hte N-mawk Ginra de na Myen HPyen Gumshem ni kawn mung laknak kaba gap bang nga ding yang re hpe na chye lu ai.

Myen Hpyen Dap kawn hpyen n-gun matut manoi htu shadut nga ai majaw KIA Mast (5) Dap Ba, Ginjaw Ginra, Salawng kawng makau grup yin hta April (30) ya shani KIA hte Myen Hpyen Dap ni gast poi byin ai lam nga ai sha n-ga Jet Nbung Li lahkwang hte numdaw (6) lang bawm wa jahkrat, wa gap ai lam nga ai re hte Masat 25 Dap Dung Ginra, Jaw Maw Post maga de mung Jet Nbung Li langai hte bawm wa jahkrat ai lam nga ai re hpe na chye lu ai.

KIA Masat  (2) Dap Ba, Masat (14) Dap Dung Ginra, Nam Hkam Mare kaw dap jung nga ai Myen Hpyen Gumshem Dap Hk.L.Y (74) ni hte KIA Hpyen Hpung ni Hpunggyi Jawng makau kaw gasat poi byin ai lam mung nga ai re hpe na chye lu ai.

Leave a Reply

*

This site uses Akismet to reduce spam. Learn how your comment data is processed.