KIA hte Myen Hpyen Dap ni shara lahkawng hta Gasat Poi byin

KIA Masat (5) Dap Ba hte KIA Masat (8) Dap Ba Ginra Shara lahkawng hta April (17) ya shani KIA hte Myen Hpyen Dap ni Gasat Poi byin ai lam na chye lu ai.

Ginjaw Ginra Ginwang Ginjaw, KIA Masat (5) Dap Ba, Masat (3) Dap Dung Ginra, Sadung Ginwang, Chyihpwi Num She kaw dap jung shara jahkrat nga ai Myen Hpyen Dap ni hte KIA Hpyen Hpung ni April (17) ya jahpawt hkying (5:30) aten daram kaw nna Gasat Poi byin wa ai rai nna Ginjaw Ginra Ginwang Ginjaw Munglai Hkyet maga de gaw Myen Hpyen Dap ni kawn laknak kaba (2) gap bang ai lam nga ai sha n-ga Masat (28) Dap Nawng Dap Dung Ginra maga de mung laknak kaba gap bang ai lam nga ai.

April (17) ya jahpawt hkying (7:30) aten daram hta mung KIA Masat (8) Dap Ba Ginra kata de Hpyen Modo ni hte shamu shamawt lung wa ai Myen Hpyen Dap ni hte KIA Hpyen Hpung ni Nam Si Awng kaw Gasat Poi kalang bai byin ai lam nga ai.

Lai wa sai April (16) ya shani hta mung KIA Masat (4) Dap Ba, Masat (34) Dap Dung Ginra de shamu shamawt shang wa ai Myen Hpyen Dap ni hte KIA Hpyen Hpung ni Gasat Poi byin ai lam nga ai rai nna KIA Masat (2) Dap Ba, Masat (14) Dap Dung Ginra hta gaw Namhkam Mare Jak Li Daru kaw Dap Jung nga ai Myen Hpyen Dap Hk.L.Y (74) hte Hk.M.Y (318) Dap ni kawn Hpaji Jawng Shingdu hte Nam Mana Ja Maw maga de 60 MM (12) lang gap shadam ai lam ni mung nga ai re hpe na chye lu ai.

 

Leave a Reply

*

This site uses Akismet to reduce spam. Learn how your comment data is processed.